जबरजस्ती करणी उद्योगमा दोषी ठहरिएका राना सात महिना पछि पक्राउ

धनगढी

जबरजस्ती करणी मुद्धामा दोषि ठहरिएपछि फरार रहेका कञ्चनपुरका एक जनालाई प्रहरीले पक्राउ गरेको छ ।

कञ्चनपुरको कृष्णपुर नगरपालिका ९ का विष्णु रानालाई शुक्रबार उनको घरबाट पक्राउ गरिएको जिल्ला प्रहरी कार्यालय कञ्चनपुरले जनाएको छ ।

जिल्ला अदालत कञ्चनपरले रानालाई गत मंसिर २४ गते जबरजस्तीकरणी उद्योग मुद्दामा दोषि ठहर गर्दै एक वर्ष कैद, एक लाख जरिवाना र पीडितलाई एक लाख क्षतिपूर्ति दिनु पर्ने फैसला सुनाएको थियो ।

अदालतको फैसला पछि फरार रहेका राना सात महिनापछि शुक्रबार उनकै घरबाट पक्राउ परेका हुन् । उनलाई अदालतमा पेश गरी सजाय भुक्तानका लागि कारागार चलान गरिएको जिल्ला प्रहरी कार्यालयका प्रवक्ता शिद्धराज न्यौपानेले बताए ।