सुदूरपश्चिममा तीन दिन भारी बर्षा, सतर्क रहन मौसम विदको आग्रह

धनगढी

सुुदूरपश्चिम प्रदेशका ९ वटै जिल्लामा आगामी तीन दिन भारी बर्षा हुन सक्ने भन्दै मौसम विदले सतर्कता अपनाउन आग्रह गरेका छन् ।

जल तथा मौसम पूर्वानुमान महाँशाखा काठमाण्डौकी मौसम विद मञ्जु वासीका अनुसार आगामी तीन दिन सुदूरपश्चिमका ९ वटै जिल्ला मध्य केही स्थानमा भारी बर्षा हुन सक्ने अनुमान गरिएको छ । उनका अनुसार कैलाली कञ्चनपुरमा बर्षाको सम्भावना बढी रहेको छ ।

‘बंगालको खाडीबाट उत्पन्न भएको मनसुन बिहीबार देखीनै सुदूरपश्चिम प्रवेस गरेको छ’ मौसम विद वासीले भनिन्–‘यो वायुको प्रभावका कारण शनिबार देखी सोमबार सम्म सुदूरपश्चिममा भारी बर्षाको सम्भावना रहेको छ ।’ बर्षाका कारण तारई क्षेत्रमा डुवान हुन सक्ने भन्दै उनले बाढीको जोखिममा रहेका नागरिकलाई सचेत रहन आग्रह गरेकिछन् ।

बर्षाका कारण ठुला नदी  महाँकाली, कर्णाली, दोदा, मोहना, खुटिया तथा ती नदीका सहायक नदीमा पानीको बहाव उच्च हुन सक्ने उनले बताइन् । नदीमा पानीको सतह उच्च हुने हुँदा तटिय क्षेत्रमा बसोवास गर्ने नागरिकले सावधानी अपनाउनु पर्नेमा उनले जोड दिइन् ।

सुदूरपशिचम प्रदेश संगै आगामी तीन दिन कर्णाली, गण्डकी र प्रदेश २ माका केही स्थानमा समेत भारी बर्षाको सम्भावना रहेको उनले बताइन् ।