सुदूरपश्चिमका थप ४३ जनामा कोरोना संक्रमण पुष्टि

धनगढी

सुदूरपश्चिम प्रदेशमा शनिबार थप ४३ जनामा कोरोना संक्रमण पुष्टि भएको छ ।

यो संगै सुदूरपश्चिम प्रदेशमा हाल सम्म कोरोना संक्रमण पुष्टि हुनेको कुल संख्या ४४ हजार ५ सय १६ पुगेको छ । संक्रमित मध्य हाल सम्म ५ सय ७४ जनाको मृत्यु भएको छ । यसैगरी हाल सम्म संक्रमण भएका मध्य ३५ हजार ३ सय ८ जना निको भएर घर गएका स्वास्थ्य निर्देशनालय डोटीले जनाएको छ । निर्देशनालयका अनुसार शनिबार ३ जना संक्रमित निकोभएर घर गएका छन् ।

स्वास्थ्य डोटीका अनुसार शनिबार डडेल्धुरा अस्पतालमा १२ र धनगढी स्थित सेती प्रादेशिक अस्पतालमामा ५५ गरी ६७ जनाको स्वाव परिक्षण गर्दा मा ३७ जनामा संक्रमण पुष्टि भएको हो ।

शनिबार नै ४ सय १७ जनाको एन्टिजेन विधिबाट कोरोना परिक्षण गर्दा ६ जनामा संक्रमण पुष्टि भएको स्वास्थ्य निर्देशनालय डोटीले जनाएको छ ।

हाल सम्म सुदूरपश्चिम प्रदेशमा ८२ हजार ८ सय ६६ जनाको एन्टिजेन विधिबाट र १ लाख ९६ हजार १ सय १८ जनाको पिसिआर विधिबाट गरी जम्मा २ लाख ७८ हजार ९ सय ८४ जनाको कोरोना परिक्षण गरिएको छ ।