पूर्व संविधानसभा सदस्य श्रीपाईली सम्मानित

धनगढी

पुर्व संविधानसभा सदस्य तथा कमैया, कमलरी हलिया मुक्तिको आन्दोलनमा अग्रणी नेतृत्वदायी भूमिका निर्वाह गर्दै आएका हरी श्रीपाइली सम्मानित भएका छन् ।

उनलाई शनिबार कमैया मुक्ति अधिकारमुखी आन्दोलनमा विशिष्ट योगदान पुर्याए वाफत  कमैया तथा बडघर संजाल, टिकापुरले सम्मान गरेको हो ।

२१ औँ मुक्त कमैया दिवसको अवसर पारेर शनिबार टिकापुरमा भएको कार्यक्रममा श्रीपाईलीलाई सम्मानित गरिएको हो । पुर्व संविधानसभा सदस्य श्रीपाईली २०५१ साल देखिनै कमैयाका हक र अधिकारका क्षेत्रमा आवाज उठाउँदै आएका थिए ।

उनले कमैंया पर्था अन्त्यका लागि अभियाननै चलाएका थिए । यसैगरी दलित अधिकारका लागि राष्ट्रिय संजालका केन्द्रीय अध्यक्ष समेत रहेका श्रीपाईली नेपाल सरकारको मुक्त हलिया पुर्नस्थपना कार्यदलका केन्द्रीय संयोजक समेत रहेका थिए ।

सममान पछि श्रीपाइलीले आफू सदैब दलित, कमैया, हलिया, कमलरी र शोषित पिडीत सिमान्तकृत समुदायको अधिकारका लागि सदैव आवाज उठाउने बताए ।