टिकापुर घटनाको अनुसन्धान गर्ने प्रहरी अधिकारी पुरस्किृत

धनगढी

कैलालीको टिकापुरमा भएको घटनामा सफल अनुसन्धान गरेको भन्दै सुदूरपशिचम प्रदेश प्रहरी कार्यालय धनगढीले ८ बर्ष पछि अनुसन्धानमा संलग्न प्रहरी अधिकारीलाई पुरस्कृत गरेको छ ।

प्रदेश प्रहरी कार्यालयले २०७२ भदौ ७ गते कैलालीको टिकापुरमा भएको घटनामा सफल अनुसन्धान गरी पिडित लाई न्याय दिन सफलता प्राप्त गरेका भन्दै हाल जिल्ला प्रहरी कार्यालय कैलालीका प्रमुख रहेका प्रहरी उपरिक्षक अधिकारी सहित ९ जनालाई नगद सहित पुरस्कृत गरेको हो ।

घटनाको सफल अनुसन्धान गर्नुका साथै आफुलाई तोकिएको जिम्मेवारी ईमान्दारी तथा त्रुटीरहित ढंगबाट सम्पादन गरेको कामको उत्कृष्ट मुल्यांकन गरी प्रदेश प्रहरी कार्यालयका प्रहरी प्रमुख प्रहरी नायव महानिरीक्षक पुरुषोत्तम कडेलले ९ जनालाई नगद सहित पुरस्कृत गरेको हो ।

पुरस्कृत हुनेमा प्रहरी नायव उपरिक्षक प्रकाश सापकोटा, प्रहरी निरिक्षक लाल बहादुर ऐर, प्रहरी सहायक निरिक्षक अनिल शाह र कृष्ण मल्ल, हवल्दार गणेश बहादुर सेठ्ठी, प्रहरी जवानहरु जयराम चुनारा, शिशिर शर्मा र नन्दराज भट्ट समेत रहेका छन् ।