२ सय ३० मिलिग्राम खैरो हिरोइन सहित १ जना पक्राउ

धनगढी

धनगढी भन्सार क्षेत्रबाट २ सय ३० मिलिग्राम खैरो हिरोइन सहित एक युवक पक्राउ परेका छन् ।

जिल्ला प्रहरी कार्यालय कैलालीका अनुसार भन्सार सडक खण्डमा खैरो हिराइन बोकेर हिडिरहेको अवस्थामा धनगढी–३ का २१ बर्षिय युवक शैलेश अवस्थीलाई पक्राउ गरिएको हो ।

सडकमा शंकास्पद रुपमा हिडेको देखेपछि खानतलासी गर्दा ती युवकबाट २ सय ३० मिलिग्राम खैरो हिरोइन बरामद भएको जिल्ला प्रहरी कार्यालय कैलालीका प्रबक्ता प्रहरी नायव उपरिक्षक प्रतिक विष्टले बताए । पक्राउ परेका ती युवकमाथी थप अनुसन्धान भइरहेको प्रबक्ता विष्टले बताए ।