कोरोना संक्रमितलाई भोलिदेखि दुर्गालक्ष्मीको आइसोलेसनमा राखिने

धनगढी

   कोरोना संक्रमण देखिएका ४४ जनालाई गोदावरी नगरपालिकाले अत्तरिया स्थित दुर्गालक्ष्मी  आधारभुत बिद्यालयमा रहेकोे आइसोलेसनमा राख्ने भएको छ ।  गोदावरी नगरपालिका वडा नं १२ मा रहेका उनीहरुलाई बुधबार बिहान ल्याएर दुर्गालक्ष्मीको क्वारेन्टिनमा राखिने गोदावरी नगरपालिकाका  स्वास्थ्य शाखा प्रमुख बीर बहादुर कुवरले बताए ।

   राष्टिय जनस्वास्थ्य प्रयोगशाला काठमाण्डौमा गरिएको परिक्षणमा मंगलबार गोदावरी नगरपालिका वार्ड नं १२ का ४३ जना र ११ का १ जनामा कोरोना सत्रंक्रमण देखिएको थियो । उनीहरु सबै १२ नम्बरमा रहेको क्वारेन्टिनमा रहेका छन् ।

  यसअघि नै गोदावरी नगरपालिकामा रहेका कोरोना संक्रमित मध्य ५ जना दुर्गालक्ष्मीमै रहेको क्वारेन्टिनमा र ३१ जना चौकीडाडामा रहेको नवज्योति बिद्यालयको आइसोलेसनमा रहेका छन् ।

    असार ६ गते गोदावरी नगरपालिका वडा नम्बर ११ र १२ मा ६४ जनाको स्वाव संकलन गरी धनगढी प्रयोगशालामा पठाएकोमा उनीहरु मद्ये ४४ जनाको कोरोना रिपोर्ट पोजेटिभ आएको थियो । उनीहरु सबै भारतबाट आएका हुन् ।

 गोदावरीमा  जम्मा कोरोना संक्रतिम ८१ रहेको छ ।