मुख्यमन्त्री भट्टले भेटे प्रधानमन्त्री देउवालाई

धनगढी

सुदूरपश्चिम प्रदेशका मुख्यमन्त्री त्रिलोचन भट्टले प्रधानमन्त्री बनेका प्रधानमन्त्री शेरबहादुर देउवालाई भेटेका छन् ।

मुख्यमन्त्री भट्टले शुक्रबार प्रधानमन्त्री निवास बालुवाटारमै पुगेर देउवालाई भेटेका हुन् । देउवा प्रधानमन्त्री बनेपछि मुख्यमन्त्री त्रिलोचन भट्ट काठमाण्डौं गएका थिए ।

सो क्रममा मुख्यमन्त्री भट्टले प्रधानमन्त्री देउवालाई सुदूरपश्चिम प्रदेशमा कोरोनाको जोखिम र नियन्त्रण, खोपको उपलब्धताबारे जानकारी गराएका मुख्यमन्त्रीका स्वकिय सचिव शिव सिंह ओलीले बताए ।

यसका साथै सुदूरपश्चिम प्रदेशको समग्र विकासको बारेमा पनि छलफल भएको स्वकीय सचिव ओलीले बताए । मुख्यमन्त्री भट्ट पछिल्लो समय उच्च राजनीतिक भेटघाटमा व्यस्त बनेका छन् ।

केही दिन अघि मुख्यमन्त्री भट्टले आफ्नै पार्टीका अध्यक्ष पुष्पकमल दहाललाई पनि भेटेका थिए ।