बेवारिसे अवस्थामा महिलाको शव भेटियो

धनगढी

बैतडीमा बेवारिसे अवस्थामा एक महिलाको शव फेला परेको छ ।

जिल्लाको मेलौली नगरपालिका –७ ल्वाथलीमा अन्दाजी ३६ वर्षीय महिलाको शव फेला परेको जिल्ला प्रहरी कार्यालय बैतडीका प्रवक्ता एवं प्रहरी निरीक्षक बोधराज ओझाले बताए ।

शव बाटोभन्दा २ सय मिटर तल शुक्रबार बिहान फेला परेको उनले बताए ।

मृतकको फोनमा भएको प्रारम्भिक जानकारी अनुसार ती महिला डडेल्धुराको हुन भन्ने अनुमान गरिएपनि वास्तबिक पहिचान भने हुन नसकेको प्रबक्ता ओझाले बताए । 

शव फेला परेपछि घटनाको अनुसन्धानका लागि जिल्ला प्रहरी कार्यालय बैतडीका प्रमुख प्रहरी नायव उपरीक्षक रमेशबहादुर पाल नेतृत्वको टोली खटेको छ ।