सुदूरपशिचममा बढ्दै कोरोना संक्रमण थप ६६ जनामा संक्रमण

धनगढी

सुदूरपश्चिम प्रदेशमा पछिल्ला दिन कोरोना संक्रमण दर बढ्नथालेको छ । एक शातायता क्रमिक रुपमा बढ्दै आएको संक्रमण दर शुक्रबार पनि बढेको छ ।

शुक्रबार सुदूरपश्चिम प्रदेशका थप ६६ जनामा कोरोना संक्रमण पुष्टि भएको स्वास्थ्य निर्देशनालय डोटीले जनाएको छ । शुक्रबार ४ सय ५० जनाको एन्टिजेन विधिबाट गरिएको परिक्षणमा १० जना तथा ३ सय १८ जनाको पिसिआर परिक्षण गर्दा ५६ जनामा संक्रमण पुष्टि भएको हो ।

यो संगै सुदूरपश्चिम प्रदेशमा कोरोना संक्रमण हुने नागरिकको कुल संख्या ४४ हजार ७ सय ८३ पुगेको छ । हाल सम्म कोरोना संक्रमणका कारण ५ सय ७६ जनाको मृत्यु भएको छ ।

यसैगरी शुक्रबार ४९ जना कोरोना संक्रमण निकोभएर घर गएका छन् । यो संगै कोरोना संक्रमण निको हुनेको संख्या ४३ हजार ९ सय ३६ पुगेको छ ।