बैतडीमा पहिरो जाँदा एक घर पुरियो

धनगढी पोष्ट

आइतबार, १० साउन २०७८ मा प्रकाशित

धनगढी
बैतडीमा पहिरामा परी एक घर पुरिएको छ । प्रहरीका अनुसार बैतडीकोे डिलाशैनी गाउँपालिका २ छेपट्टामा घरमाथिबाट खसेको पहिरोले स्थानीय धरम बोहराको घर पुरिएको हो ।
शनिबार राती खसेको पहिरोले घर पुरिँदा गोठमा बाँधेका तीन बाख्रा मरेका जिल्ला प्रहरी कार्यालयका प्रवक्ता प्रहरी निरीक्षक बोधराज ओझाले बताए । पहिरोमा परेर मानवीय क्षति भने नभएको उनले बताए ।

बोहराको परिवार अहिले आफन्तको घरमा बसीरहेको प्रहरी निरीक्षक ओझाले बताए ।