सुदूरपश्चिमका थप २७ जनामा संक्रमण पुष्टि, २४ जना संक्रमण मुक्त

धनगढी

सुदूरपश्चिम प्रदेशका थप २७ जनामा कोरोना संक्रमण पुष्टि भएको छ ।

स्वास्थ्य निर्देशनालय राजपुर डोटीका अनुसार आईतबार गरिएको ४ सय ८३ जनाको एन्टिजेन परिक्षणमा १३ र ४१ जनाको पिसिआर परिक्षणमा १४ जनामा संक्रमण पुष्टि भएको हो ।

यो संगै सुदूरपश्चिममा कोरोना संक्रमण पुष्टि हुनेको कुल संख्या ४४ हजार ८ सय ३६ पुगेको छ । संक्रमित मध्य ४४ हजार ११ जना संक्रमण मुक्त भएका छन् ।

निर्देशनालयका अनुसार आइतबार प्रदेशका विभिन्न अस्पतामा उपचार गराइरहेका २४ जना संक्रमण मुक्त भएर घर गएका छन् । हाल सम्म कोरोना संक्रमणका कारण सुदूरपश्चिम प्रदेशमा ५ सय ७६ जनाको मृत्यु भएको छ । आइतबार संक्रमणबाट मृत्यु हुनेको संख्या शुन्य छ ।