जसपा विवादमा कैलालीका रेशम चौधरी तटस्थ बसे

धनगढी

कैलालीको टीकापुरमा भएको हिंसामा दोसि ठहर्याइएका रेशम चौधरीले निर्वाचन आयोगमा पुगेर कसैलाई पनि सहमति नदिने बताएका छन् ।

जसपाको विवादका कारण कार्यकारिणी समितिमा बहुमत कस्कोछ भनेर पुष्टि गर्न सोमबार रेशम चौधरीलाई आयोगमा पु¥याइएको थियो । आयोगमा पुगेर चौधरीले आफु पार्टी एकताको पक्षमा रहेको भन्दै कुनै पनि समुहलाई समर्थन नगर्ने बताएका हुन् ।

निर्वाचन आयोगले जसपाका केन्द्रीय कार्यकारिणी समितिका सदस्यलाई सनाखतका लागि डाकेपछि डिल्लीबजार कारागारमा रहेका चौधरी कडा सुरक्षाबीच आयोगमा उपस्थित भएका हुन् । आयोग पुगे पनि उनले कुनै पनि पक्षमा हस्ताक्षर गरेनन् ।

पार्टी एकताका लागि आफू तटस्थ बसेको उनले सुनाए । आपसी वैमनस्य समाधानका लागि आफू आयोगमा आएको बताए ।

निर्वाचन आयोगले सोमबार जसपाको आधिकारिकतासम्बन्धी विवादको टुंगो लगाउँदैछ । आयोगले जसपाको आधिकारिकता विवाद निरुपणका लागि इजलास गठन गरेको थियो। इजलासले साउन ७ गते कानुनी बहस सकेर पार्टी एकीकरण बखत संलग्न कागजातसहित उपस्थित हुन आग्रह गरेको थियो ।

सोहीअनुरुप जसपाका  नेताहरु निर्वाचन आयोग पुगेका छन् । अर्का अध्यक्ष महन्थ ठाकुर पक्षले त्यसलाई रोक्न आग्रह गर्दै आयोगमा दिएको निवेदन अस्वीकार गरेको छ ।