अज्ञात समूहद्वारा सहकारी संस्थाको जीपमा आगजनी

धनगढी

बझाङमा अज्ञात समूहले सहकारी संस्थाको जीपमा आगजनी गरेको छ ।

आइतबार राति जयपृथ्वी नगरपालिका ६ नौरामा रहेको आमधारा नौरा कृषि सहकारी संस्थाको जीपमा अज्ञात समूहले आगजनी गरेको वडाध्यक्ष नरेन्द्र सिंहले बताए ।

गाउँमै पार्किङ गरी राखेको अवस्थामा म १ च ७८३  नम्बरको जीपको अगाडीको सिसा फूटाएर पार्किङ गरेको ठाँउबाट २० मिटर अगाडी ल्याएर आगजानी गरिएको उनले बताए ।

जीपमा आगजानी कसले गरेको हो भन्ने बारेमा अनुसन्धान भइरहेको जिल्ला प्रहरी कार्यालय बझाङका प्रमुख प्रहरी नायव उपरीक्षक रुपक खडकाले बताए ।