सुदूरपश्चिममा थप ६६ जनामा कोरोना संक्रमण पुष्टि

धनगढी

सुदूरपशिचम प्रदेशमा थप ६६ जनामा कोरोना संक्रमण पुष्टि भएको छ ।

सोमबार गरिएको एन्टिजेन परिक्षणमा १५ र पिसिआर परिक्षणमा ५१ गरी ६६ जनामा संक्रमण पुष्टि भएको स्वास्थ्य निर्देशनालय राजपुर डोटीले जनाएको छ । निर्देशनालयका अनुसार सोमबार ४ सय ५० जनाको एन्टिजेन विधिबाट र ३ सय ४५ जनाको पिसिआर विधिबाट कोरोना परिक्षण गरिएको थियो । यो संगै सुदूरपश्चिम प्रदेशमा कोरोना संक्रमण पुष्टि हुनेको कुल संख्या ४४ हजार ९ सय पुगेको छ ।

यस्तै सोमबार २४ जना कोरोना संक्रमण मुक्त भएर घर गएका छन् । सोमबार निको भएका संक्रमित संगै सुदूरपश्चिममा कोरोना संक्रमण निकोहुनेको संख्या ४४ हजार ८३ पुगेको छ ।

सुदूरपश्चिम प्रदेशमा सोमबार कोरोना संक्रमणबाट मृत्यु हुनेको संख्या शुन्य रहेको छ । सुदूरपश्चिम प्रदेशका हाल सम्म कोरोनाका कारण ५ सय ७६ जनाको मृत्यु भएको स्वास्थय निर्देशनालय डोटीले जनाएको छ ।