कांग्रेसले सुदूरपश्चिममामा बनायो ७४ हजार बढी क्रियाशिल सदस्य

धनगढी

नेपाली कांग्रेसले सुदूरपशिचम प्रदेशमा ७४ हजार ७ सय ५६ जना क्रियाशिल सदस्य बनाएको छ ।

केन्द्रीय क्रियाशील सदस्यता छानबिन समितिका संयोजक रमेश लेखकले मंगलबार कांग्रेस सभापति शेरबहादुर देउवालाई बुझाएको प्रतिवेदन अनुसार देशभर आठ लाख ५२ हजार ७ सय ११ जना क्रियाशील सदस्य रहेका छन् ।

ती क्रियाशिल सदस्य मध्य चार लाख ४३ हजार छ सय ७८ जना नयाँ क्रियाशील वितरण गरिएको उल्लेख छ । चार लाख ९ हजार ३३ जना भने पुरानै सदस्य रहेको र उनिहरुको सदस्यता नविकरण गरिएको प्रतिवेदनमा उल्लेख गरिएको छ ।

कांग्रेसले वितरण गरेको क्रियाशिल सदस्यमा बागमति प्रदेशमा धेरै क्रियासशल सदस्य बनेका छन् । बागमती प्रदेशमा एक लाख ८६ हजार एक सय ४३, जना क्रियाशिल सदस्य बनेका छन् ।

यसैगरी प्रदेश नम्बर १ मा एक लाख ७४ हजार सात सय ८२ जना क्रियाशील छन् । प्रदेश नम्बर २ मा एक लाख १२ हजार ९ सय ४६, गण्डकी प्रदेशमा एक लाख १८ हजार ६ सय ३३ जना, लुम्बिनी प्रदेशमा एक लाख ३० हजार ८ सय ८५, कर्णाली प्रदेशमा ५४ हजार ५ सय ६६ जना क्रियाशिल सदस्य बनेका छन् ।

कांग्रेसले विवाद भएका केही जिल्ला र विदेशस्थित जनसम्पर्क समितिका क्रियाशील अझै टुंगिएका छैनन् । यो टुंगिएपछि क्रियाशीलको संख्या झन्डै एक लाख थपिनेछ । १४ औं महाधिवेशन गर्न कांग्रेसले यतिधेरै क्रियाशील बनाएको हो । जुन संख्या २०७२ सालमा भएको १३ औं महाधिवेशनको भन्दा दोब्बर छ । त्यसबेला कांग्रेसका चार लाख ८० हजार मात्रै क्रियाशील थिए ।

क्रियाशील सदस्य वडा अधिवेशनका मतदाता हुन् । उनीहरूबाटै क्षेत्रीय प्रतिनिधि चुनिएर महाधिवेशनका लागि प्रतिनिधि बन्छन् र केन्द्रीय कार्यसमिति बनाउँछन् ।

प्रतिवेदनअनुसार कांग्रेसमा ६ लाख ५३ हजार ८ सय ३८ जना पुरूष क्रियाशील छन् भने महिला एक लाख ९९ हजार ९७ जना छन् । अन्यतर्फ भने १ सय ७६ जना छन् ।