साढे ५ किलो चरेस सहित २ जना पक्राउ

धनगढी

कैलालीमा ५ किलो ५ सय ग्राम चरेस र १ लाख २० हजार नगद सहित २ जना पक्राउ परेका छन् ।

जिल्ला प्रहरी कार्यालय कैलालकिा अनुसार कैलालीको गौरिगंगा नगरपालिका –११ का ४० बर्षे गोरे धामीबाट साढे ५ किलो चरेश बरामद गरिएको छ ।

धामी सडकमा संकास्पदरुपमा हिडिरहेको देखेपछि इलाका प्रहरी कार्यालय मसुरियाले छानविन गर्दा उनले बोकेको झोलामा सो परिणामको चरेश भेटिएको जिल्ला प्रहरी कार्यालय कैलालीका प्रबक्ता प्रहरी नायव उपरिक्षक प्रतिक विष्टले बताए ।

सो चरेश कैलालीको गोदावरी नगरपालिका–६ बस्ने ३५ बर्षका धनबहादुर धामिले दिएको भन्दै ती पुरुष (गोरे)ले बयान दिएपछि प्रहरीले धन बहादुरको खोजि गरेको हो । धनबहादुर कैलालीको गौरिगंगा नगरपालिका–११ मा फेलापरेका र उनिबाट नगद एक लाख २० हजार बरामद गरिएको प्रहरी प्रबक्ता विष्टले बताए ।

पक्राउ परेका दुवै जनामाथी लागु औधष चरेश शिर्षकमा मुद्धाचलाई अनुसन्धान भइरेको प्रहरीले जनाएको छ ।