पुर्चौंडीमा नगरपालिका र वडामा तालावन्दि

धनगढी

नेपाल सरकारले निर्धारण गरेको तलब उपलब्ध नगराएको भन्दै बैतडीको पुचौंडी नगरपालिकाको कार्यालय संगै सवै (१० वटा ) वडामा ताला वन्दि गरिएको छ ।

नेपाल सरकारले बजेट घोषणामै बाल बिकास सहजकर्ताको मासिक पारिश्रमिक १५ हजार पु¥याउने घोषणा गरेका भएपनि पचौंडी नगरपालिकाले सरकारको घोषणा कार्यान्वयन नगरेकाले तालावन्दि गर्नुपरेको सहजकर्ताले जनाएका छन् ।

‘नेपाल सरकारले प्रदान गर्ने भनिएको पारिश्रमिक हामीलाई चाहिन्छ’ लटिनाथ आधारभूत सलेलीगाउँमा कार्यरत बालविकास सहजकर्ता द्रोपती खत्रीले भनिन्–‘माग परा नगरे हामी तालावन्दिलाई यथावत राख्नेछौं ।’

सरकारले घोषणा गरेको सेवा सुविधा कार्यान्वयन गर्न आफुहरुले  पटक–पटक नगरपालिका प्रशासनलाई दवाद दिएको भएपनि माग पुरा नभएपछि तालावन्दिमा उत्रनुपरेको उनले बतान् ।

सहजकर्ताले तालावन्दि गरेपनि उनिहरुका माग सुनुवाई गर्ने बारेमा हाल सम्म छलफल भएको छैन । पचौंडी नगरपालिकाकी उप–प्रमुख जानकी ऐर बमका अनुसार अहिले नगरप्रमुख संगै उपप्रमुख काम विशेषले काठमाण्डौं गएका छन्, भने कार्यालय प्रमुख पनि विदामा धनगढी छन् । जसका कारण आन्दोलनकारीका मागमा छलफल समेत नभएको उप–प्रमुख ऐरले बताइन् ।

उनले आफुहरु काठमाण्डौंबाट फर्केलगत्तै शिक्षक सहजकर्ताका मागमा छलफल गर्ने बताइन् । ‘तत्कालका लागि कार्यालयमा लगाइएको ताला खोल्न हामीले आग्रह गरेका छौं’ उनले भनिन्–‘हामि काठमाण्डौंबाट फर्केपछि सो बिषयमा छलफल गर्नेछौं ।’ विद्यालय कर्मचारी र बालविकास सहजकर्ताको मागका बिषयमा कार्यपालिकाको बैठकमा छलफल गरिने उनले बताइन् ।

नगरपालिकाले चालु आर्थिक बर्षमा २ हजारका दरले बालविकास सहजकर्ताको तलब बढाउने निर्णय गरेको उनले बताइन् ।

बालविकास सहजकर्ता र विद्यालय कर्मचारीहरुले नगरपालिकाले माग पूरा नगर्दा सम्म तालाबन्दी नखोल्ने अडान लिएका छन् । पुर्चौंडी नगरपालिकामा १ सय १५ जना बालविकास सहजकर्ता र विद्यालय कर्मचारी रहेका छन् ।