सेनाको बख्तरबन्द गाडी धनगढीमा गुडाइने

धनगढी

नेपाली अभ्यासका क्रममा धनगढीमा बख्तरबन्द गाडी गुडाउने भएको छ । सेनाको मेकानाइज्ड युनिटहरूबाट सकल दर्जाहरूको ड्राइभिङ सीप अभिवृद्धि गर्न सडकमा बख्तरबन्दको अभ्यास गराउन लागेको नेपाली सेनाको मुख्यालय जंगी अड्डाले जनाएको छ ।

आर्मोर्ड पर्सनल क्यारियर र माइन प्रोटेक्टिभ गाडीहरूको अभ्यास हुन लागेको हो । अभ्यासका लागि सेनाले स्थानीय प्रशासन र प्रहरीसँग समन्वय गर्ने बताएको छ ।

बख्तरबन्दको अभ्यास हुने स्थान र मिति तालिका सेनाले सार्वजनिक गरेको छ । धनगढीको बोराडाँडी ब्यारेकले बिहीबार नै बख्तरबन्दको अभ्यास गर्ने जनाइएको छ ।