बैतडीमा साउन १७ देखि भेरोसेल खोप लगाइने

धनगढी

चिन सरकारले अनुदानमा दिएको कोरोना विरुद्धको भेरोसेल खोप सुदूरपश्च्मिको बैतडीमा साउन १७ गते देखी लगाउन सुरु गरिने भएको छ ।

प्रदेश सरकार बाट उपलब्ध १८ हजार खोप हरेक पालिकामा पठाइएको र सरकारी मापदण्डमा पर्ने नागरिकलाई खोप लगाउन आग्ह गरिएको स्वास्थ्य कार्यालय बैतडीका प्रमुख योगेश प्रसाद भट्टले बताए ।

स्वास्थ्य कार्यालय बैतडीले प्रकाशन गरेको खोप तालिका अनुसार साउन १७ देखी २१ गते सम्म खोप लगाइने छ ।

खोप लगाउन सहज होस् भन्ने उद्देश्यले हरेक स्थानीय तहका वडा वडामा खोप केन्द्र स्थापना गरिएको स्वास्थ्य कार्यालय बैतडीले जनाएको छ । तर बढी जनसंख्या भएका वडामा आवश्यकता अनुसार खोप केन्द्र विस्तार गरिने स्वास्थ्य कार्यालय बैतडीका प्रमुख योगेशप्रसाद भट्टले जानकारी बताए ।

खोप लगाउन प्राथमिकताका आधारमा ५५ देखि ६० बर्ष उमेर समूहका सबै नागरिक, विद्यालयका शिक्षक, कर्मचारी, कलेजका प्राध्यापकहरु, कर्मचारी, सवारी साधनका चालक र सहचालक पर्ने छन् । खोप लगाउन तोकिएको खोप केन्द्रमा आफ्नो परिचय खुल्ने प्रमाणपत्र सहित उपस्थित हुन स्वास्थ्य कार्यालयले आग्रह गरेको छ ।

खोप अभियान अन्तर्गत साउन १७ र १८ गते पाटन नगरपालिका, डिलाशैनी गाउँपालिका र दोगडाकेदार गाउँपालिकामा खोप दिइने छ । यस्तै साउन १९ र २० गते सिगास गाउँपालिका र पुर्चौंडी नगरपालिकामा खोप अभियान सञ्चालन हुनेछ ।

यसैगरी साउन २० र २१ गते पञ्चेश्वर गाउँपालिका, शिवनाथ गाउँपालिका, मेलौली नगरपालिका, दशरथचन्द नगरपालिका र सुर्नया गाउँपालिकामा खोप अभियान सञ्चालन हुने स्वास्थ्य कार्यालयका खोप सुपरभाईजर निरीक्षक हरिश भट्टले बताए ।

स्वास्थ्य कार्यालय बैतडीका अनुसार यस अघि सञ्चालन भएको खोप अभियानमा ३ हजार ४ सय ७३ जनाले कोभीशील्डको दुवै मात्रा लगाएका छन् । यसैगरी १२ हजार ९ सय ५३ जनाले कोभिसिल्डको पहिलो खोप मात्रै लगाएका छन् । भेरोसेल खोमा ३ हजार ५४ जनादे दुवै खोप लगाएका छन् ।