१२ ग्राम खैरो हिरोइन सहित भारतीय नागरिक पक्राउ

धनगढी

कैलालीको भजनी नगरपालिकाबाट १२ ग्राम ६ सय ३० मिलिग्राम खैरो हिरोइन सहित १ जना भारतीय नागरिकलाई प्रहरीले पक्राउ गरेको छ ।

जिल्ला प्रहरी कार्यालय कैलालीका अनुसार कैलालीको भजनी नगरपालिका–५ कौवाखेडा घाट हुँदै नेपाल आउँदै गरेका भारतको लखिमपुर घर भएका २५ बर्षे जितेन्द्र सिंहबाट सो परिणामको खैरो हिरोइन बरामद गरिएको हो ।

साथै उनले चलाएको यूपि ३१ एफ ८१६७ नम्बरको माटरसाईकल समेत बरामद गरिएको जिल्ला प्रहरी कार्यालय कैलालीका प्रबक्ता प्रहरी नायव उपरिक्षक प्रतिक विष्टले बताए । पक्राउ परेका सिंहमाथी थप अनुसन्धान भइरहेको प्रबक्ता विष्टले बताए ।