कर्णालीमा खसेको जीप भेटियो, वेपत्ता २ जनाको खोजी हुँदै

धनगढी

कैलालीको मोहन्याल गाउँपालिका स्थित कर्णाली नदीमा खसेको स्कारपियो भेटिएको छ । अहिले सो स्कारपियो नदीबाट निकाल्ने प्रायास भइरहेको जिल्ला प्रहरी कार्यालय कैलालीले जनाएको छ ।

जीपमा सवार घाइते ८ बर्षिया लक्ष्मी जोशीले प्रहरीलाई दिएको जाकारी अनुसार ब्याक गर्नेवेला जीप कर्णालीमा खसेको थियो । जीप कर्णामा खस्दा सवारी चालक डोटीको आदर्श गाउँपालिका बस्ने चन्दप्रकाश जोशी उनकी श्रीमति रुपि जोशी वेपत्ता छन् ।

यसैगरी चालक जोशीका छोरा अन्दाजी ३÷४ बर्षे भुवन जोशी र ४÷५ बर्षकी छोरी सविता जोशी गम्भिर घाइते भएका प्रहरी प्रबक्ता विष्टले बताए । दुर्घटनामा परी घाइते तीनै जनाको प्राथमिक उपचार लम्किमा गरेर थप उपचारका लागि नेपालगञ्ज लगिएको छ ।