सुदूरपश्चिम प्रदेशका ४८ जनामा कोरोना संक्रमण पुष्टि

धनगढी

सुदूरपशिचम प्रदेशका थप ४८ जनामा कोरोना संक्रमण पुष्टि भएको छ ।

स्वास्थ्य निर्देशनालय राजपुर डोटीका अनुसार शनिबार प्रदेशभर एनिटजेन परिक्षणमा ८ र पिसिआर परिक्षणमा ४० गरी ४८ जनामा संक्रमण पुष्टि भएको हो ।

शनिबार ५ सय ७१ जनाको एन्टिजेन विधिबाट र १ सय ४८ जनाको पिसिआर विधिबाट कोरोना परिक्षण गरिएको स्वास्थ्य निर्देशनालय डोटीले जनाएको छ ।

यो संगै सुदूरपश्चिम प्रदेशका कोरोना संक्रमण पुष्टि हुनेको कुल संख्या ४५ हजार १ सय १५ पुगेको छ । संक्रमित मध्य ४४ हजार २ सय ९६ जना निको भएर घर गएका छन् । स्वास्थ्य निर्देशनालय डोटीले दिएको जानकारी अनुसार शनिबार ५४ जना कोरोना संक्रमण निको भएर घर गएका छन् । शनिबार कोरोनाबाट हुने मृत्युदर शुन्य रहेको निर्देशनालयले जनाएको छ ।