भजनीका बाढी पिडितलाई खाद्यान्न वितरण

धनगढी

समाजसेवी सुरेश बोहराले कैलालीको भजनीका बाढी पिडितलाई खाद्यान्न वितरण गरेका छन् ।

भजनी नगरपालिका–५ लालभोजी र वडा नम्बर–७ हिम्मतपुरका २६ घरपरिवारलाई राहत स्वरुप दाल, चामल, तेल, नुन र चाउचाउ वितरण गरेका हुन् । विस्थापित परिवारले हाल सम्म कतैबाट पनि राहत नपाएको गुनासो गरे पछि बोहराले खाद्यान्न वितरण गरेका हुन् ।

राहत ग्रहण गर्दै बाढीपिडित परिवारले भोटमाग्दा ठुला कुरा गर्ने नेताहरु अप्ठयारोमा फर्केर नआउने गरेको गुनासो गरे । बोहराले वितरण गरेको राहतले केही दिनको छाक टार्न सजिलो हुने उनीहरूको भनाइ छ ।

युवा समाज सेवी बोहराले दुःखमा आफुले सक्ने सहयोग गर्न पाउँदा खुशीलागेको बताए । बाढीका कारण विस्तापित परिवारको अवस्था दयनीय रहेको भन्दै बोहराले सवै निकायलाई सहयोगका लागि अपिल समेत गरे ।

अहिले बाढी प्रभावित परिवार हुलकी सडकमा त्रिपाल टाँगेर बस्दै आएका छन् । यस अघि बोहराले लकडाउनका कारण समस्यामा परेका विपन्न परिवारलाई समेत सक्दो सहयोग गरेका थिए ।