४ लाख भारु बोकेका एक युवक दुई दिन देखी सम्पर्क विहीन

धनगढी

४ लाख भारतीय रुपैंया बोकेर भारतको देशरादुनबाट नेपाल हिडेका कञ्चनपुरका एक युवक एक युवक दुई दिन देखी भारतको बनबासाबाट सम्पर्क विहिन बनेका छन् ।

सम्पर्कबिहीन हुनेमा कञ्चनपुरको वेलडाँडी गाउँपालिका––५ झिलमिलाका ४४ बर्षिय तिर्थराज बोहरा रहेका छन् ।

स्थानीय लालबहादुर रावलका अनुसार तिर्थराज वनवासा पुगेपछि सम्पर्क विहीन बनेका हुन् । देहरादुनबाट हिडेका बोहराले बनबासामा पुगेको भन्ने जानकारी परिवारलाई दिएका थिए । तर त्यस पछि भने उनि हाल सम्म पनि सम्पर्कमा नआएका स्थानीय रावलले बताए । उनि आईतबार बिहान ८ बजेदेखि सम्पर्कबिहप्न बनेका हुन् ।

रावलका अनुसार सम्पर्क विहीन भएका रावलले भनरतको देहरादुनमा रहेको घर ४ लाखमा वेचेका थिए । सोही रकम लिएर उनि कञ्चनपुर आउँदै गरेका थिए ।

बेपत्ता भएपछि खोजिकार्यमा जुटेका आफन्तले इलाका प्रहरी कार्यालय बेलडाँडीमा समेत खोजिकार्यका लागि निवेदन दिएका छन् ।