३ दिन सम्म पनि खुलेन जयपृथ्वी राजमार्ग

धनगढी

पहिरो गएको ४ दिन सम्म पनि पर्खाल लगाउने कार्य पुरा नहुँदा सुदूरपश्चिम प्रदेशको पहाडी जिल्ला बझाङमा ३ दिन देखी ४ पाङ्ग्रे सवारी आवागमन ठप्प बनेको छ ।

बैतडीको पाटन नगरपालिका–६ झौलेक स्थित जयपृथ्बी राजमार्गमा सोमबार बिहान ८ बजेतिर सडकको आधा भाग सहित पहिरो गएको थियो ।

सडक नै भाँसिएर पहिरो गएपछि सो ठाउँमा पर्खाल लगाउने काम भइरहेको प्रहरीले जनाएको छ । ‘पहिरो ठुलो हुँदा पर्खाल लगाउन समय लागेको छ’ जिल्ला प्रहरी कार्यालय बैतडीका प्रबत्ता प्रहरी निरिक्षक बोधराज ओझाले भने–‘अझै एक दिन यातायात सेवा अबरद्ध हुने देखिन्छ ।’

सवारी साधान सुचारु नहुँदा बझाङ जाने मालबहाक सवारी बाटैमा रोकिएका उनले बताए । ‘यात्रुलाई स्थानीय जीप मार्फत गन्तव्य स्थानमा पु¥याउने गरिएपनि मालबाहक सवारी भने बाटैमा अलपत्र परेका छन्’ प्रहरी निरिक्षक ओझाले भने–‘उपचार गर्न धनगढी आउने विरामीलाई पनि समस्या भएको छ ।’

उनले भने ‘सडकको तलतिर ठूलो पहिरो गएको छ । पर्खाल पहिरो जाँदा बझाङ जिल्लाको यातायात सेवा पूर्णरपमा प्रभावित भएको छ, भने बैतडीको पूचौंडी नगरपालिकाको यातायात सेवा समेत प्रभावित बनेको छ ।