प्रदेश सांसद रावलले २ लाख र प्रविधिक खत्री १ लाख कमिशन लिएको भन्दै जिल्ला प्रशासनमा उजुरी

धनगढी

बिद्यालय भवन  निर्माण र र मर्मतका लागि  आएको बजेटबाट कमिशन रकम लगेको भन्दै प्रदेश सभा सदस्य र सामाजिक बिकास कार्यालय अछामका  कर्मचारी बिरुद्ध  जिल्ला प्रशासन कार्यालय अछाममा उजुरी परेको छ । 

अछामको अछामको तुमाखाँद गाउँपालिका–६ स्थित धुर्बतारा आधारभुत विद्यालयको भवन निर्माण र मर्मतका लागि आएको रकबाट सुदुरपश्चिम प्रदेश सभा सदस्य अक्कल राललले दुई लाख र सामाजिक बिकास कार्यालय अछामका प्राविधिक भविष्य खत्रीले एक लाख रुपैया लिएको विद्यालय मर्मत व्यवस्थापन समितिका अध्यक्ष भक्त प्रसाद न्यौपानेले  उजुरी दिएका हुन् ।

‘विद्यालयमा प्रदेश सरकारको सामाजिक बिकास मन्त्रालयबाट गत आ.व.मा  बिद्यालय भवन निर्माण वापत बीस लाख  र बिद्यालय मर्मत अनुदान वापतको रकम पाँच लाखको रकम बिनियोजन गराउदा सुदुरपश्चिम प्रदेश सभाका सदस्य श्री अक्कल बहादुर रावललाई दुई लाख र   सामाजिक बिकास कार्यालय अछामका प्राविधिक भविष्य खत्रीलाई दुई लाख दिएको भनेर’ उजुरीमा भनिएको छ ‘बिद्यालय व्यवस्थापन समितिको बैठकमा नै बिद्यालयका अध्यक्ष र प्राधानाध्यापकले भनेको हुदा यसको वास्तबिक र तथ्य पत्ता लगाई पाउँ ।’

विद्यालय व्यवस्थापन समितिका अध्यक्ष दिपक विकले आफुले सार्वजनिक रुपमा प्रदेशसभा सदस्यले पैसा लगेको नभनेको दावी गरे । उजुरी र कमिशन दिएको बारेमा जिज्ञासा राख्दा अध्यक्ष दिपक विकले ‘कुरा मिलिसक्यो’  भन्दै फोन काटे ।

अछामका प्रमुख जिल्ला अधिकारी रुद्र अधिकारीले भवन निर्माण र मर्मतको रकम दुरुपयागबारे परेको उजुरीका आधारमा  बिद्यालयका कागजातहरु झिकाइएको बताए । कागजात पु¥याउन ७ दिनको समय दिइएकोछ ।

 ‘सदरमुकामबाट तुर्माखाँद जान टाढा पर्ने भएका कारण स्थानीय तह मार्फत विद्यालयका कागजात झिकाइएको छ’ प्रमुख जिल्ला अधिकारी अधिकारीले भने– ‘कागज पत्र आएपछि थप अनुसन्धान गरिनेछ ।’

जिल्ला प्रशासन कार्यालयमा परेको उजुरीमा बिद्यालयमा लागु दिवाखाजा कार्यक्रमका खाद्यान्न बिद्यार्थीहरुलाई नदिएर बजारमा बिक्री गरेको भन्दै छानबीनको माग गरिएको छ ।

दिवाखाजा कार्यक्रमका दाल, चामल, नुन, तेल लगायतका खाद्य  सामाग्रीहरु सम्वन्धित बिद्यालयलाई  नदिइ टुनीबगर बजारबाट नै आफन्त तथा व्यापारीहरुलाई बिक्री बितरण गरेका उजुरीमा उल्लेख गरिएको छ ।

प्रदेशसभा सदस्य अक्कल रावलले आफुलाई फसाउन विभिन्न षडयन्त्र भइरहेका बताए । उनले विद्यालयमा बजेट गएको बारेमा आफुलाई जानकारी समेत नभएको बताए ।

‘रातोकिताबमा योजना पार्न मैले पहल गरेको हुनसक्छ’ उनले भने– ‘तर बजेट परयो कि परेन मलाई जानकारी थिएन, कसैले मलाई फसाउन उक्त योजनामा जोडेका हुन सक्दछन् ।’