कैलालीमा साउन ३२ सम्म थपियो निषेधाज्ञा

धनगढी

कैलालीमा जारी निषेधाज्ञा साउन ३२ गते सम्म थप गरिएको छ ।

निषेधाज्ञालाई थप खुकुलो पार्दै साउन ३२ गतेसम्मलाई निरन्तरता दिएको जिल्ला प्रशासन कार्यालय कैलालीले जनाएको छ । कैलालीका निमित्त प्रमुख जिल्ला अधिकारी हिरालाल चौधरीद्धाारा जारी विज्ञप्ति अनुसार साउन ११ गते जारी भएको आदेशलाई नै ३२ गतेसम्म निरन्तरता दिने निर्णय भएको छ ।

११ गते जारी आदेशअनुसार पूर्व निर्धारित परीक्षा संचालन गर्दा एक कोठामा २५ जनालाई मात्र राख्न पाउने, गोष्ठी, तालिम, सेमिनार, बैठक संचालन गर्दा बढीमा २५ जना राख्न पाइने छ। यस्तै व्यापार व्यवसाय र सार्वजनिक सवारी साधन भने यथावत रुपमा संचालन हुनेछन् ।

कोभिड संक्रमणको जोखिम कायमै रहेको र जिल्लामा संक्रमण रोक्न निशेधाज्ञा थप गरिएको बताईएको छ ।