सुदूरपश्चिमका २० जनामा कोरोना संक्रमण पुष्टि

धनगढी

सुदूरपश्चिम प्रदेशका थप २० जनामा कोरोना संक्रमण पुष्टि भएको छ ।

शनिबार गरिएको पिसिआर परिक्षणमा १९ र एन्टिजेन परिक्षणमा १ गरी २० जनामा संक्रमण पुष्टि भएको स्वास्थ्य निर्देशनालय राजपुर डोटीले जनाएको छ ।

निर्देशनालयका अनुसार शनिबार २ सय जनाको पिसिआर विधिबाट र ५ सय ९१ जनाको एन्टिजेन विधिबाट कोरोना परिक्षण गरिएको थियो । शनिबार थपिएका संक्रमित संगै सुदूरपश्चिम प्रदेशमा कारोना संक्रमण पुष्टि हुनेको कुल संख्या ४५ हजार ४ सय १७ पुगेको छ ।

निर्देशनालयका अनुसार बिहीबार प्रदेशका विभिन्न अस्पतालमा उपचाररत २७ जना विरामी कोरोना संक्रमण निकोभएर घर गएका छन् । यो संगै सुदूरपश्चिम प्रदेशमा कारोना निको हुनेको संख्या ४ हजार ४ सय ९५ पुगेको छ । सुदूरपश्चिम प्रदेशमा हाल सम्म कोरोना संक्रमणका कारण ५ सय ७८ जनाको मृत्यु भएको छ । शनिबार भने कोरोना संक्रमणका कारण मृत्यु हुनेको शंख्या शुन्य रहेको निर्देशनालयले जनाएको छ ।