१४ लाख जेष्ठ नागरिकलाई सोमबार देखी कोरोनाको दोश्रो खोप लगाइने

धनगढी

भरत सरकारद्वरा उपलब्ध कोरोना विरुद्धको कोभिसिल्डको पहिलो खोप लगाएका नागरिकलाई भोली देखी दोश्रो डोज खोप दिइने भएको छ ।

जेष्ठ नागरिकलाई दोश्रो खोपकारुपमा जापान सरकारले उपलब्ध गराएको एष्ट्राजेनक खोप दिइने भएको हो । सोमबार देखी सुरु हुने खोप अभियानमा १४ लाख नागरिक प्राथमिकतामा पर्ने स्वास्थ्य तथा जनसंख्या मन्त्रालयले जनाएको छ । यस अघि जेष्ठ नागरिकले गत फागुनमा कोरोना विरुद्धको पहिलो खोप लगाएका थिए ।

दोस्रो डोज खोपको पर्खाइमा रहेका ६५ वर्ष र सोभन्दा माथि उमेर समूहका करिब १४ लाख जना नागरिकलाई अस्ट्राजेनिकाको खोप दिन लागिएको स्वास्थ्य सेवा विभागका निर्देशक तारानाथ पोख्रेललेबताए ।

कोभिशिल्ड खोप पहिलो मात्रा लगाएर दोस्रो मात्राको प्रतिक्षामा रहेकालाई अस्ट्राजेनिका खोपको दोस्रो मात्रा दिइने उनले बताए । दोस्रो मात्रा दिई बाँकी रहेको खोप भने विभिन्न रोगका बिरामीलाई प्राथमिकतामा राखेर दिइने विभागले जनाएको छ ।

भुटान र जापान सरकारबाट कोभ्याक्स सुविधामार्फत् प्राप्त गरेको अस्ट्राजेनिका खोप बिरामी र वैदेशिक रोजगारीमा जानेहरूलाई पनि लगाइने भएको छ ।

वैदेशिक रोजगारी, अध्ययन र अन्य प्रयोजनका लागि विदेश जाने व्यक्ति, मृगौलाले काम नगरी डायलाईसिस गर्नुपर्ने र गरेका व्यक्ति, अंग प्रत्यारोपण गरेका व्यक्ति तथा अर्बुद रोगका बिरामीलाई प्राथमिकताका साथ दोस्रो मात्रा सुनिश्चित हुने गरी खोप लगाइने विभागले जानकारी दिएको छ ।