टिकापुरबाट ३५ हजार मूल्य बराबरको बेवारिसे सामाग्री बरामद

धनगढी

कैलालीको टिकापुरबाट करिब ३५ हजार मूल्य बराबरको बेवारिसे सामाग्री बरामद भएको छ ।

जिल्ला प्रहरी कार्यालय कैलालीका अनुसार आइतबार टीकापुर– ९ स्थित पुरानो भन्सार इलाकाबाट सो सामाग्री बरामद गरिएको जिल्ला प्रहरी कार्यालय कैलालीका प्रबक्ता प्रहरी नायब उपरिक्षक प्रतिक विष्टले बताए ।

उनका अनुसार अन्दाजी ३४ हजार ६ सय मुल्य बराबरको ७० किलो अनार, माछा मार्न जालमा प्रयोगगरिने सिसा, २० किलो चिनी, एक क्युन्टल नून, १० केजी प्याज, २ पाकेट स्यामल सुर्ती, ४ पोका पवन सुर्ती, २२ प्याकेट दाह्री काट्ने रेजर (सानो), १२ प्याकेट दाह्री काट्ने ठुलो रेजर बरामद गरिएको छ ।

यसैगरी दुई पाकेट बिडी, ५० पिस कमला पसन्द, ५ वटा साईकलको चेन, १० पिस साईकलको बोल्ट, १० पिस साइकलको काबेल, र २ वटा साईकल सामान बरामद भएको प्रहरी प्रबक्ता विष्टले बताए । बरामद सामाग्री शत्ती भन्सार कार्यालय पठाइएको जनाइएको छ ।