बैतडीमा भालुको आक्रमणमा परी एकजना घाइते

धनगढी

बैतडीमाको पञ्चेश्वरमा भालुको आक्रमणमा परी एक जना घाइते भएका छन् ।

घाइते हुनेमा पञ्चेश्वर गाउँपालिका ५ रन्तोलीका ६२ बर्षीय उजीतराम कोली रहेका छन् । उनलाई सोमबार बिहान भालुले आक्रमण गरेको प्रहरीले जनाएको छ ।

घर नजिकैको खेतमा पानी लगाउने क्रममा कोलीलाई भालुले आक्रमण गरेको जिल्ला प्रहरी कार्यालयका प्रवक्ता प्रहरी निरीक्षक बोधराज ओझाले बताए । भालुको आक्रमणबाट घाइते कोलीको टाउको गम्भीर चोट लागेको छ । घाइते कोलीको अहिले जिल्ला अस्पताल बैतडीमा उपचार भईरहेको प्रहरीले जनाएको छ ।

यसअघि आइतबार मात्रै जंगली बँदेलको आक्रमणमा परी बैतडीको सुर्नया ४ का राम लुहार घाइते भएका थिए । आफ्नो बारीमा कामका लागि जाने बेला लुहारलाई बँदेलले आक्रमण गरेको थियो ।