कर्णालीमा डुङ्गा पल्टिएर वेपत्ता भएकी महिलाको शव भेटियो

धनगढी

साउन १७ गते कर्णालीमा डुङ्गा पल्टिदा वेपत्ता भएकी मोहन्यालकी महिलाको शव ९ दिन पछि भेटिएकोछ ।

नियमित खोप लगाउन कैलालीको मोहन्याल बाट कर्णाली नदी हुँदै सुर्खेत जानेक्रममा डुङ्गा पल्टिदा मोहन्याल गाउँपालिका–३ की २० बर्षिया उर्मिला सलामी मगर वेपत्ता भएकिथिइन् । उनको शव ९ दिन पछि कैलालीको लम्किचुहा नगरपालिका–३ स्थित कर्णाली नदीमा भेटिएको जिल्ला प्रहरी कार्यालय कैलालीले जनाएको छ ।

जिल्ला प्रहरी कार्यालय कैलालीका प्रबक्ता प्रहरी नायव उपरिक्षक प्रतिक विष्टका अनुसार सोमबार बिहान महिलाको शव भेटिएपछि पोष्मार्टमका लागि टिकापुर अस्पताल ल्याइएको थियो । अस्पतालमा उनको पहिचान भएपछि सरोकारवालाको रोहबरमा शव परिवारको जिम्मा लगाइएको प्रबक्ता विष्टले बताए ।