सुदूरपश्चिमका ३७ जनामा कोरोना संक्रमण, ३५ जना निकोभए

धनगढी

सुदूरपश्चिम प्रदेशका थप ३७ जनामा कारोना संक्रमण पुष्टि भएको छ ।

स्वास्थ्य निर्देशनालय डोटीका अनुसार सोमबार गरिएको पिसिआर परिक्षणमा २५ र एन्टिजेन परिक्षणमा १२ गरी ३७ जनामा संक्रमण पुष्टि भएको हो । सोमबार सुदूरपश्चिममा पिसिआर विधिबाट १ सय ८५ र एन्टिजेन विधिबाट ६ सय ८ जनाको कोरोना परिक्षण गरिएको स्वास्थ्य निर्देशनालयले जनाएको छ ।

सोमबार थपिएका संक्रमित संगै सुदूरपश्चिम प्रदेशमा कोरोना संक्रमण हुने नागरिकको कुल संख्या ४५ हजार ४ सय ७२ पुगेको छ ।

यसैगरी सोमबार सुदूरपश्चिममा कोरोना निको भएर ३५ जना घर गएका छन् । यो संगै सुदूरपश्चिम प्रदेशका कोरोना निको हुनेको संख्या ४४ हजार ५ सय ६५ पुगेको छ ।

सुदूरपश्चिम प्रदेशमा सोमबार कोरोना संक्रमण भएका १ जनाको मृत्यु भएको छ । सेती प्रादेशिक अस्पतालमा उपचाररत १ जनाको मृत्यु भएको स्वास्थ्य निर्देशनालयले जनाएको छ । हाल सम्म कोरोना संक्रमणका कारण सुदूरपश्चिम प्रदेशमा ५ सय ७९ जनाको मृत्यु भएको छ ।