बिहीबारदेखि मनसुन थप सक्रिय बन्ने अनुमान, केही स्थानमा भारी बर्षा

धनगढी

आइतबार देखीनै तराईमा प्रवेस गरेको मनसुन बिहीबार देखी देशभर फैलने र त्यसले देशका सवै भु–भागमा बर्षा हुने मौसम पूर्वानुमान शाखाले जनाएको छ । तराईमा मनसुन प्रवेस गर्दा आइतबार देखीनै तराईका क्षेत्रमा फाटफुट बर्षा भइरहेको थियो । बिहीबार देखी देशभर मनसुन थप सक्रिय हुने र केही स्थानमा भारी बर्षाको सम्भावना हुने अनुमान गरिएको छ ।

जल तथा मौसम पूर्वानुमान महाँशाखा काण्माण्डौंका अनुसार अहिले मनसुनको न्यनून चापिय रेखा तराई नजिक छ ।

जसका कारण आइतबार देखीनै तराईमा फाटफुट बर्षा भइरहेकोछ । बिहीबार देखी मनसुन देशभर सक्रिय हुनेहुँदा देशभरनै बर्षा हुने र केही स्थानमा भारी बर्षा हुन सक्ने अनुमान गरिएको मौसमविद मञ्जुवासीले बताइन् ।

उनका अनुसार बिहीबारदेखि प्रदेश १, प्रदेश २, बागमती ,गण्डकी र लुम्बिनी प्रदेशका केही स्थानमा भारी वर्षाको सम्भावना रहेको तथा शुक्रबार र शनिबार प्रदेश १, प्रदेश २, बागमती ,गण्डकी र लुम्बिनी प्रदेश, कर्णाली र सुदूरपश्चिम प्रदेशका केही स्थानहरुमा भारी वर्षाको सम्भावना रहेको हुनाले आवश्यक सतर्कता अपनाउन विभागले आग्रहसमेत गरेको छ ।