पाटन अस्पतालमा एक जना कोरोना संक्रमितको मृत्यु

काठमाडौँ

   कोरोना भाइरसको संक्रमणका कारण पाटन अस्पतालमा एक जनाको मृत्यु भएको छ ।  बिहीबार पाटन अस्पतालमा उपचाररत ५० वर्षीय कोरोना संक्रमित पुरुषको मृत्यु भएको अस्पताल स्रोतले जानकारी दिएको छ ।

    केही दिन अघि मात्र  मिर्गौला प्रत्यारोपण गरिएका उनलाई संक्रमणको पुष्टि भएपछि पाटन अस्पतालको आइसोलेसन वार्डमा भर्ना गरिएको   थियो । उपचारकै क्रममा आज दिउसो उनको मृत्यु भएको अस्पतालले पुष्टि गरेको छ ।

    यस्तै बुधबार राती मात्रै पोखरामा उपचाररत स्याङ्जाका ५५ वर्षीय पुरुषको कोरोनाका कारण मृत्यु भएको थियो । यो सँगै नेपालमा कोरोना संक्रमणका कारण मृत्यु हुनेको संख्या २६ पुगेको छ ।