आफ्नै प्रशंसा गरेर बनाइएका भिडियो रोक्न देउवाको निर्देशन

काठमाण्डौं । प्रधानमन्त्री शेरबहादुर देउवाले ‘मलाई शेरबहादुर देउवा मन पर्छ’ भनेर बनाइएका भिडियोहरु रोक्न निर्देशन दिएको बताएका छन् ।

नेपाली कांग्रेसको केन्द्रीय समिति बैठकमा प्रधानमन्त्रीको प्रशंसा गर्दै सार्वजनिक भएका भिडियोको विषयमा प्रश्न उठाएपछि प्रधानमन्त्री देउवाले आफ्नो प्रशंसा गर्दै बनाइएका भिडियो रोक्न निर्देशन दिइसकेको जनाएका हुन् ।

बैठकमा देउवाको ध्यानाकर्षण गराउँदै केन्द्रीय सदस्य धनबहादुर गुरुङले प्रधानमन्त्री भएपछि ‘मलाई शेरबहादुर देउवा मन पर्छ’  भनेर बनाइएका भिडियोहरु कस्ता खालका हुन् ? भन्दै प्रसंसा गरेका थिए ।

नेता गुरुङले जिज्ञासा राखि नसक्दै प्रधानमन्त्री देउवाले भिडियो बनाउनेलाई रोक्न निर्देशन दिइसकेको बताए । उनले अव देखी त्यसता भिडियो नआउने समेत दावी गरे ।

यस्तै केन्द्रीय सदस्य गुरुङले खोप वितरणलाई व्यवस्थित गर्न प्रधानमन्त्री देउवाको ध्यानाकर्षण गराए । ‘संसदमा मेरो प्राथमिकता खोप, खोप, खोप भन्नुभएको थियो’ उनले भने–‘ त्यसलाई पूरा गर्नुस्, खोप वितरण अस्तव्यस्त छ ।’ नेता गुरुङले भ्रष्टाचारका ठूला काण्डको छानबिन गर्न आग्रह गरे ।