मौरिको हेरचाह गर्न गएका वृद्धको लडेर मृत्यु

धनगढी । बाजुरामा मौरि हेर्न गएका एक वृद्धको लडेर मृत्यु भएको छ ।

जिल्लाको बडीमालिका नगरपालिका–७ जिल्लीमा भिरबाट लडेर एक वृद्धको मृत्यु भएको प्रहरीले जनाएको छ । मृत्यु हुनेमा बडिमालिका नगरपालिका– ७ जिल्लीका ६६ वर्षीय धनकृष्ण पण्डित रहेका छन् ।

आज बिहान गाउँ नजिकै रहेको मन्दिरमा राखिएका मौरीको हेरचाह गर्न गएका उनको बाटोबाट चिप्लिएर लडेपछि मृत्यु भएको हो । चिप्लिएर लडेका वृद्ध करिब १०० मिटर तल खसेर मृत्यु भएको अवस्थामा फेलापरेका स्थानीय टङ्कराज पण्डितले बताए ।

मौरीको हेरचाह गर्न भन्दै विहानै घरबाट हसडेका वृद्ध खानखान नआएपछि खोजिमा जाँदा मृत अवस्थामा फेला परेका थिए ।