बँदेलको मासु सहित एक जना पक्राउ

धनगढी । जंगली बँदेलको मासु सहित कञ्चनपुरमा १ जना पक्राउ परेका छन् । जिल्ला प्रहरी कार्यालय कञ्चनपुरका अनुसार जिल्लाको लालझाडी गाउँपालिका–५  का ३९ वर्षीय राम साहेब राना बँदेल मार्न प्रयोग गरिएको दुई थान जाल र डेढ किलोग्राम बँदेलको मासुसहित पक्राउ परेका हुन् ।

लालझाडी सब डिभिजन वन कार्यालयका रेन्जर करुणाकर अवस्थीको नेतृत्वमा खटिएको गस्ती टोलीले गएराती साढे एघार बजे लालझाडी वन क्षेत्रबाट उनलाई पक्राउ गरेको हो ।

रानालाई वन कार्यालयले नियन्त्रणमा लिई थप अनुसन्धान भइरहेको डिभिजन वन कार्यालय कञ्चनपुरका निमित्त प्रमुख दिनेशकुमार यादवले बताए ।