सुदूरपश्चिमका ५७ जनामा कोरोना संक्रमण पुष्टि

धनगढी । सुदूरपश्चिम प्रदेशका थप ५७ जनामा कोरोना भाइरस संक्रमण पुष्टि भएको छ ।

बुधबार गरिएको पिसिआर परिक्षणमा ३५ र एन्टिजेन परिक्षणमा २२ गरी ५७ जनामा संक्रमण पुष्टि भएको हो ।

स्वास्थय निर्देशनालय डोटीका अनुसार बुधबार २ सय ११ जनाको पिसिआर विधिबाट र ८ सय ९४ जनाको एन्टिजने विधिबाट कोरोना परिक्षण गरिएको थियो ।

बुधबार थपिएका संक्रमित संगै सुदूरपश्चिम प्रदेशमा कोरोना संक्रमण हुनेको कुल संख्या ४५ हजार ८ सय ५२ पुगेको छ ।

स्वास्थ्य निर्देशनालयका अनुसार बुधबार प्रदेशका विभिन्न अस्पतालबाट ११ जना संक्रमित निकोभएर घर गएका छन् । यो संगै सुदूरपशिचममा कोरोना निको हुनेको संख्या ४५ हजार ५७ पुगेको छ । सुदूरपश्चिम प्रदेशमा कोरोना संक्रमणका कारण हाल सम्म ५ सय ८० जनाको मृत्यु भएको छ । बुधबार संक्रमणका कराण मृत्यु हुनेको संख्या शुन्य रहेको निर्देशनालयले जनाएको छ ।