एक बर्षमै प्रदेश सरकारको बेरुजु ५७ करोड नाघ्यो

धनगढी । सुदूरपश्चिम प्रदेश सरकारको वेरुजु एक बर्षमै ५७ करोड बढी रहेको पाइएको छ । खर्च विवरणमा श्रोतनै उल्लेख नगरेर सुदूरपश्चिम प्रदेश सकारले आर्थिक बर्ष २०७७÷०७८ मा ५७ करोड ५१ लाख ५१ हजार खर्च गरेको महाँलेखा परिक्षकको बार्षिक प्रतिवेदनमा उल्लेख छ ।

महालेखा परीक्षकको कार्यालयले सार्वजनिक गरेको वाषिर्क लेखा परीक्षण प्रतिवेदनमा अनुसार आर्थिक वर्ष २०७६÷७७ मा प्रदेश सरकारको बार्षिक बेरुजु ५७ करोड ५१ लाख ५१ हजार रुपैयाँ रहेको उल्लेख छ ।

प्रतिवेदन अनुसार प्रदेश सरकारको पेस्की बाहेकको बेरुजु मात्रै ४३ करोड छ । प्रदेश सरकारले आर्थिक  बर्ष २०७६÷०७७ सम्म ८८ करोड ८५ लाख १८ हजार रुपैयाँ मनलाग्दी खर्च गरेर बेरुजुमा देखाएको थियो ।

गत आर्थिक वर्षको ५७ करोड ५१ लाख ५१ हजार समेत जोड्दा प्रदेश सरकारको कुल वेरुजु एक अर्ब २३ करोड ३१ हजार रुपैयाँ पुगेको छ । जसमा पेश्की मध्येको मात्र ३६ करोढ ६६ लाख ७१ हजार रुपैयाँ असुल उपरक गर्न बाँकी रहेको महाँलेखाको प्रतिवेदनमा उल्लेख छ ।