सेती अस्पताललाई स्वास्थ्य सामाग्री हस्तान्तरण

धनगढी । धनगढी स्थित सेती प्रादेशिक अस्पताललाई २१ लाख ३४ हजार मुल्य बराबरको स्वास्थ्य सामाग्री हस्तान्तरण गरिएको छ ।

कोर्डाइडको आर्थिक सहयोगमा लुथरन विश्व फेडेरेसन नेपाल र दिगो विकास समाज भजनीको संयुक्त साझेदारीमा सञ्चालित कोभिड–१९ इमरजेन्सि रेस्पोन्स फर नेपाल हेल्थ परियोजनाले सो स्थास्थ्य सामाग्री हस्तान्तरण गरेकोहो ।

प्रादन गरिएका सामाग्रीहरुमा अक्सिजन सिलिण्डर ३५ थान, एन्टिजेन किट ५ सय, पिसिआर भिटिएम किट १५ सय, पिपिई २ सय सेट र  गाउन २ सय ७५ थान रहेका छन् ।

सो स्वास्थ्य सामाग्री सुदूरपश्चिम प्रदेशका सामाजिक विकास मन्त्री लालबहादुर खड्का र दिगो विकास समाजका अध्यक्ष रामबहादुर सुनारले सेती प्रादेशिक अस्पतालका निमित्त मेडिकल सुपरिटेण्डेन्ट  डाक्टर अशोक श्रीपाईलीलाई हस्तान्तरण गरेका हुन् ।

स्वास्थ्य सामाग्री हस्तान्तरण गर्दै सामाजिक विकास मन्त्री लालबहादुर खड्काले कोरोना संग लड्न सवै संघ सस्थासंग सहकार्य गरिने बताए । स्वास्थ्य क्षेत्रमा काम गर्ने धेरै संघ संस्था रहेको बताउँदै मन्त्री खड्काले ती संघ संस्था संग सहकार्य गर्दै सुदूरपश्चिममा कोरोना नियन्त्रण अभियानमा जुट्ने बताए ।