खैरो हिरोइन सहित १ जना पक्राउ

धनगढी पोष्ट

सोमबार, ०७ भदौ २०७८ मा प्रकाशित

धनगढी । कञ्चनपुरबाट खैरो हिरोईन सहित १ जना पक्राउ परेका छन् । सुदूरपश्चिम प्रदेश प्रहरी कार्यालय धनगढीका अनुसार कञ्चनपुरको भीमदत्त नगरपालिका–१६ मझगाउँका २२ बर्षे उमेश ठुगन्नालाई सोही ठाउँबाट २.६ ग्राम खैरो हिरोइन सहित पक्राउ गरिएको हो ।

जिल्ला प्रहरी कार्यालय कञ्चनपुर र अस्थाईपोष्ट मझगाउँबाट खटिएको संयक्त प्रहरी टोलीले उनलाई पक्राउ गरिएको प्रदेश प्रहरी कार्यालयले जनाउको छ ।