८ बर्ष सम्म नबनेको पुल नदी कटानको जोखिममा

धनगढी । ८ बर्ष सम्म निर्माण सम्पन्न हुन नसकेको कैलाली, कञ्चनपुर जोड्ने पुल नदी बटानको जोखिममा परेकोछ । कैलालीको धनगढी उप–महानगरपालिका र कञ्चनपुरको कृष्णपुर नगरपालिका जोड्ने गरी मोहना नदीमा निर्माण थालिएको पुल ठेकेदारको लापवार्हीका कारण ८ बर्ष सम्म सम्पन्न हुन सकेको थिए । तीन बर्षमा सम्पन्न गर्नेगरी २०७१ सालमा ठेक्का सम्झौता भएको पुल निर्माणका लागि तीन पटक म्याद थप गरिएको थियो । सो अवधीमा समेत सम्पन्न हुन नसकेको पुल मोहना नदीले बगाउने खतरा बढकोछ ।

नदीले धार परिवर्तन गर्दै पुलको पश्चिम क्षत्रको पिल्लर तर्फ तिब्र कटान सुरु गरेको स्थानीयले जनाएका छन् । कटानका कारण पिल्लरमा भरान गरिएको माटो बगेको स्थानीयले बताए । ‘बिहीबार राती आएको बर्षाका कारण भरान गरिएको माटो बगेकोछ’ स्थानीय देबबहादुर वमले भने–‘माटो बगाउँदा पुलको एकतर्फकोको पिल्लर विच नदीमा पर्नथालेकोछ ।’

तीन बर्ष सम्म पुलको भौतिक प्रगति जम्मा १५ प्रतिशतमा सिमित रह्यो । तीन बर्ष सम्म पुल नबनेपछि २०७४ मा एक बर्ष म्याद थप गरिएपनि भौतिक प्रगति ५५ प्रतिशतमा सिमित बनेको थियो । लगातार दुई पटक सम्म थपिएको म्यादमा पुल नबनेपछि २०७६ असोजमा प्रशासनले एलाईडलाई कारवाही गर्ने चेतावनी दिएको थियोे । कारवाही बाट बच्न एलाइडले तत्काल जेठ सम्म सक्ने वाचा गरेपनि निर्माण पुरा गरेनन् ।

नेपालमा कोरोना महामारी फैलियो र सरकारले लकडाउन ग¥यो । एलाइडले सोही बहाना बनाएर हाल सम्म पनि पुल निर्माण सम्पन्न गरेकोछैन । सम्झौता अनुसार ८ करोड रुपैयाँ लागतमा एक सय मिटरको पुलका लागि हाल तेश्रोपटक पनि म्याद थप गरिएको छ । सडक डिभिजन कार्यालय धनगढीका इन्जििनियर पदम मडैका अनुसार आगामी असोजमा पुल हस्तान्तर गर्ने योजना रहेको थियो । तर नदीले धार पविर्तन गरेपछि भने फेरी काम लम्बिन सक्ने उनले बताए ।