तीन दिनसम्म फेलापरेन मोहनामा वेपत्ता भएका राना

धनगढी । मोहना नदीमा वेपत्ता भएका धनगढी–३ का २८ बर्षिय पुरन राना ३ दिन सम्म पनि फेला पर्न सकेका छैनन् ।

कञ्चनपुरको राजघाटबाट मोहना नदी तरेर धनगढी आउने क्रममा शुक्रबार साँझ राना वेपत्ता भएका थिए । शुक्रबार राती १० बजेसम्म खोजि गरेका स्थानीय र प्रहरीले रानालाई फेला पर्न नसकेपछि शनिबार दिनभर सशस्त्रको गोताखोर टोली मोहनामा परिचालन गरिएको थियो ।

तर राना फेला नपरेका जिल्ला प्रहरी कार्यालय कैलालीका प्रबक्ता प्रहरी नायव उपरिक्षा प्रतिक विष्टले बताए । उनका अनुसार आज (आइतबार) बिहानै देखी रानाको खोजिकार्यका लागि नेपाल प्रहरी, सशस्त्रको गोताखोर टोली र स्थानीय वासी नदीमा खटेका छन् । राना वेपत्ता भएको स्थानबाट २ किलोमिटर तल सम्म खोजि गर्दा समेत शव फेला नपरेको प्रहरी प्रबक्ता विष्टले बताए ।

मोहनामा आएको बाढीमा कारण पानी धमिलो हुनका साथै दलदल भएका कारण खोजिकार्यमा समस्या भएको उनले बताए ।