डडेल्धुरा सहित १० अस्पताललाई कोरोना परिक्षणको अनुमति

काठमाडौ

 सरकारले डडेल्धुरा अस्पताल सहित १० अस्पताललाइ कोरोना पिसिआर विधिबाट स्वाब परीक्षण गर्ने अनुमत दिएको छ ।   परिक्षणको नया  अनुमति पाएका सहित गरि अब देशभरि ३३ असस्पतालमा  पीसीआर बिधिबाट कोरोना (कोभिड १९) को परिक्षण हुने भएको छ ।

  अहिले काठमाण्डौ सहित सातै प्रदेशका २३ अस्पतालमा पिसिआर विधिबाट स्वाब परीक्षण प्रयोगशाला सञ्चालन भइरहेका छन्  । यी प्रयोगशालामा दैनिक ६ हजार भन्दा बढी नमुना परीक्षण हुँदै आएका थिए ।

   सुदुरपश्चिममा पीसीआर बिधिबाट कोरोना परिक्षण हुने अस्पतालको संख्या २ भएको छ । अहिले सेती प्रादेशिक अस्पतालमा मात्र  कोरोनाको पीसीआर बिधिबाट परिक्षण भैरहेको छ ।

    थपिएका थप प्रयोगशालामा डडेलधुरा अस्पताल, मेची अस्पताल, दैलेख अस्पताल, राष्ट्रिय आयुर्वेद अनुसन्धान तथा तालिम केन्द्र, सशस्त्र प्रहरी अस्पताल, पाल्पा अस्पताल, धौलागिरि अस्पताल, धनकुटा अस्पताल, वीरेन्द्र प्रहरी अस्पताल र नेपाली सेना अस्पतालका प्रयोगशाला छन् ।