एमाले छोडेर समाजवादीमा जान चाहने एमाले सांसदको हस्ताक्षेर गराइदै

धनगढी । सुदूरपश्चिम प्रदेशसभा सदस्य रहेका नेकपा एमालेका सांसदहरुले दल परित्याग गर्दै माधव नेपालले गठन गरेको नेकपा एकिकृत समाज बादी पार्टीमामा जान हस्ताक्षेर अभियान सुरु गरेका छन् ।

एमाले श्रोतका अनुसार संसद विघटन पछि माधव नेपाल समुहमा उभिएका १७ मध्य १२ जना माधव समुहमा जान थालेका हुन् । यस अघि माधव समुह रोज्दै आएका एमाले संसदिय दलका नेता प्रकाश शाह, प्रकाश रावल, पुर्व मन्त्री कृष्णराज सुवेदी, गोविन्द कुँवर र अर्चना गहतराजले भने नयाँ पार्टीमा नजाने बताएका छन् ।

त्यसबाहेकका १२ जना प्रदेशसभा सदस्यले भने माधव नेपाल समुहले गठन गरेको नेकपा एस रोज्ने देखिएोछ । अहिले नेकपा एसमा जानचाहने प्रदेशसभा सदस्यको हस्ताक्ष्ने अभियान सञ्चालन भइरहेकोछ ।

हस्ताक्षेर सकिए लगत्तै प्रदेश निर्वाचन आयोगमा नयाँ पार्टीमा जानथालेका प्रदेशसभा सदस्यको सनाखत गराइने नेकपा एसकी केन्द्रिय सदस्य तथा आन्तरिक मामिला तथा कानून मन्त्री पुर्णा जोशीले बताइन् । सुदूरपश्चिममा एमालेका २५ सांसद रहेकोमा १ सभामुख छन् ।

 ‘निर्वाचन आयोगले दिएको समय अनुसार भदौ २१ सम्म समय रहेकोछ’, मनत्री जोशीले भनिन्–‘हामी त्यस अघिनै एमाले छोड्नचाहन्छौं, आज नभए भोलि सम्म निर्वाचन आयोगमा हस्ताक्षेर बुझाउनेछौं ।’ मन्त्री जोशीले एकिकृत समाजबादी पार्टीमा १३ प्रदेशसभा सदस्य जाने दावी गरेकिछन् ।