नाचेर जीविकोपार्जन गर्ने बादी महिला समाजको नेतृत्व गर्दै

धनगढी । कैलालीको गोदावरी नगरपालिका–३ की गिता देवी बादी अहिले सामाजिक काममा व्यस्त छिन् । गाउँमा हुने झै–झगडा मिलाउन, विरामी पर्दा अस्पताल जान, प्रशासनिक काममा लागि सरकारी निकाय धाउन, नयाएका लागि न्यायिक निकाय सम्म पुग्नु उनको दैनिकि जस्तै बनेकोछ । गाउँमा कुनै महिलामाथी हिंसा भएमा पिडित महिलालाई न्याय दिलाउन गिता बादी अग्रसर हुन्छिन् । उनको निडर र सक्षम क्षमताका कारण उनि समाजकी भरपर्दो महिला नेता बन्न थालेकिछन् ।

गिता सामाजिक काममा लागेको लामो समय भने भएकोछैन । तीन बर्ष अघि दलित महिला संघ फेडोको सम्पर्कमा आएकी गितालाई फेडोले सामाजिक अगुवा नेतृत्व सम्बन्धी तालिममा सहभागि गराएको थियो । सो तालिमबाट प्रेरित भएर उनले सामाजिक काममा आफुलाई समर्पित गरिन् । ‘तीन बर्ष अघिसम्म नाचेर कमाएको पैसाले पेट पाल्दै आएकि थिए’, गिताले भनिन् ‘समाजमा बोल्न समेत मलाई लाज लागने गर्दथ्यो, समाजको नेतृत्व गर्छुभन्ने सोचेकिथिएन, फेडोका कारण म यहाँसम्म आइपुगे. ।’

उनले फेडोका कारण तीन बर्षमै समाजको नेतृत्व गर्न सक्षम भएको भन्दै खुशी व्यक्त गरिन् । उसैपनि बादी समुदाय समाजमा हेपिएको समुदायको भएकोब ताउँदै उनले महिलालाई माथी आउन सजिलो भने नभएको बताइन् । ‘तर फेडो मेरालागि बरदान बनेर आयो’, उनले भनिन् ‘फेडोका कारण म आफैले नसोचेको परिवर्तन ममा आएकोछ, अहिले समाजलाई हाँकन सक्ने भएकिछु ।’

सो वडामा दलित महिला संघ फेडोले निर्माण गरेको सगरमाथा  दलित महिला समुहको अध्यक्ष समेत रहेकी गिता बादीले अव सामाजिक काममै आफुलाई समपर्ण गर्ने बताइन् । ‘फेडोले मलाई पटक–पटक पुर्नताजगी तालिम पर्दान गर्दै आएकोछ’, उनले भनिन् ‘यसले मलाई कानूनी ज्ञान सिक्न सजिलो भएकोछ, नेतृत्व सुधारका लागि मैले निरन्तर प्रयत्न गरिरहेकिछु ।’ आफु सामाजिक काममा लाग्दा परिवारले भने साथ दिएको उनले बताइन् । अरु परिवार जस्तो पुरुषले मलाई समाजमा बोल्न र सामाजिक काम गर्न रोक लगाएकोछैन’, उनले भनिन्–‘परिवारले साथ दिएका कारण मलाई सामाजिक काम गर्न अझै सजिलो भएकोछ ।’

उनले आफु जस्तै धेरै महिला अहिले समाजमा बोल्न सक्ने भएको बताइन् । फेडोले प्रदान गर्ने क्षमता अभिवृद्धि सम्बन्धी तालिमका कारण म जस्तै घर बाहिर बोल्न नसक्ने महिला अहिले खुलेर बोल्न सकिरहेका छन्’, उनले भनिन्‘महिला सचेत हुदा सामाजिक विकृति कम हसनथालेका छन्, घरेलु हिंसामा पनि केही कमि आएकोछ ।’