कैलालीमा सवारी दुर्घटना हुँदा ७ जना घाइते

धनगढी । कैलालीको गौरिगंगा नगरपालिका स्थित राजीपुरमा वीङ्गर दुर्घटना हुँदा एक जना साईकलयात्री सहित ७ जना घाइते भएका छन् ।

पूर्वपश्चिम राजमार्गमा पूर्वबाट पश्चिम तर्फ आइरहेको सु.प.प्र. ००१ ०२ ज ३९९ नम्बरको विङ्गर दुर्घटना हुँदा सात जना घाइते भएका जिल्ला प्रहरी कार्यालय कैलालीले जनाएकोछ ।

जिल्ला प्रहरी कार्यालय कैलालीका प्रबक्ता प्रहरी नायव उपरिक्षक प्रतिक विष्टका अनुसार घाइते ७ जनाको स्वास्थय अवस्था सामान्य रहेकोछ ।

पूर्वबाट पश्चिम तर्फ आउदै गरेको वीङ्गरले साइकल यात्रीलाई बचाउन खोज्दा दुर्घटना भएको बुझिएको उनले बताए । घाइते सवैको स्थानीय स्वास्थय संस्थामा उपचार भइरहेकोछ ।