गणतन्त्र बचाउन ५ दलिय गठबन्धन  : भट्ट

धनगढी । राष्ट्रिय जनमोर्चाका महाँसचिव मनोज भट्टले ०६२÷०६३ को आन्दोलबाट संस्थागत भएको गणनत्त्र र धर्मनिरपेक्षता बचाउन ५ दलिय गठबन्धन गरिएको बताएका छन् ।

एमाले अध्यक्ष केपि शर्मा ओलीले गणनत्त्र र धर्मनिपेक्षतालाई कम्जोर बनाउने काम गरेपछि जनमोर्चाले नेपाली कांग्रेसको नेतृत्वमा गठित गठबन्धनलाई साथ दिएको बताए ।

दक्षिणपन्थि शक्तिसंग तालमेल गरेको भन्दै लोकेन्द्र लम्साल नेतृत्वमा सुदूरपशिचममा राष्ट्रि जनमोर्चाकाको समानान्तर कमिटी गठन गरिको छ । समानान्तर कमिटिले जनमोर्चाको नीति, शिद्धान्त र संघिय प्राणाली खारेज गर्ने अभियान विपरित केन्द्रिय नेतृत्वले दक्षिणपन्थि शक्तिसंग तालमेल गरेको आरोप लगाएकोछ ।

महाँसचिव भट्टले भने कम्युनिष्ट भनिएका केपि ओलीले विदेशीको इसारामा देशमा अस्थिरता निम्त्याउन खोजेका कारण त्यसलाई रोक्न कांग्रेसको सरकारलाई समर्थन गरिएको बताए । ‘गठबन्धन भित्रै कतिपय कुरामा हाम्रो विमति रहेकोछ,’ भट्टले भने,‘तर गाणतन्त्र र धर्मनिरपेक्षेता बचाउनुपर्छ भन्ने सवैको साझा धारणा छ, त्यसलाई आधारमानेर हामीले सरकारलाई समर्थन गरेका छौं ।’ दुई, दुई पटक संसद विघटन गरेर एमोले अध्यक्ष केपि ओलीले देशलाई अस्थिरता तर्फ लैजान खोजेपछि बाध्यभएर कांग्रेस संग सहकार्य गरिएको उनले बताए ।

उनले जनमोर्चाको समानान्तर गतिविधीमा संलग्न रहेका सवैलाई साधारण सदस्य समेत नरहने गरी कारवाही गरिएको बताए ।  जनमोर्चामा देखिएको समस्या केपि ओलीकै कारण भएको उनको टिप्पणीछ । ‘केपिओलीले असंवैधानिक कदम चाल्दा हाम्रो केही साथीहरु त्यसको मतियार बन्न पुगे,’ उनले भने,‘त्यसतालाई कारवाही गर्दा पार्टीमा समस्या भइरहेकोछ ।’ उनले संसद विघटन पछि माओबादी, एमाले र जसपामाा समेत समस्या भएको बताए ।

महाँसचिव भट्टले देउवा नेतृत्वको सरकारले एमसिसि पारित गर्न नसक्ने दावी गरे । ‘एमसिसिका सवालमा माओबादी, नेकपा एस, जसपा र हाम्रो पार्टीको असहमति रहेकोछ,’ उनले भने,‘यस्तो अवस्थामा यो सरकारले एमसिसि पास गराउन सक्दैन ।’

अहिले संसोधन सहित एमसिसि पास गराउनुपर्ने भन्ने आवज आएपनि अमेरिकाले संसोधन गरेर एमसिसि पास गराउन नदिने उनले बताए । ‘एमसिसि अमेरिकी सरकारले आफ्नो हित अनुसार ल्याएको परियोजना हो,’ उनले भने,‘नेपालले संसोधन गरेको अमेरिकाले स्वीकार्दैन, संसोधन गरेको एमसिसि पारित हुनेकुरैभएन ।’

एमसिसि पारित गराउन प्रधानमन्त्री शेरबहादुर देउवाले एमालेसंग तालमेत गर्न सक्ने उनको आसंका छ । तर त्यसतो अवस्थामा पनि एमालेले सहजै एमसिसि पास हुन नदिने उनले बताए । ‘देउवाको नेतृत्वमा एमसिसि पारित गरेर एमालेलाई जस जादैन,’ उनले भने,‘कांग्रेसलाई जसजानेगरी ओलीले एमसिसि पारित गर्न सहयोग गर्लान जस्तो मलाई लाग्दैन ।’